Ferðalangur

NÝ RAFBÓK: Vertu þín eigin ferðaskrifstofa

Ferðalangur kynnir:

Ferðalangur kynnir nýja rafbók (pdf):
Vertu þín eigin ferðaskrifstofa : Einföld ráð til að lækka ferðakostnaðinn
Verð: $9.99

 
Rafbókin nýtist vel öllum þeim sem vilja skipuleggja ferðalögin sín sjálfir á netinu með sem minnstum tilkostnaði. Ferðalög innan Evrópu ber þar hæst en einnig má nota hana þegar skoðuð eru ferðalög í öðrum heimsálfum.

Fyrir nokkrum árum auglýsti Ferðalangur námskeið fyrir lesendur sína sem bar þetta sama heiti. Aðsókn var afar góð og hvert námskeiðið á fætur öðru fylltist. Líklegt er að þörfin sé ekki minni í dag en þá.

Í handbókinni er reynt að svara eftirfarandi spurningum auk fjölda annarra:

• Hvað er besta ráðið til að lækka kostnað við flug?
• Hvernig er hægt að finna sem ódýrast flug frá Íslandi?
• Hvar er hægt að finna ódýr tengiflug frá London eða öðrum borgum til að fljúga áfram?
• Hvernig er hægt að lækka kostnað við gistingu?
• Hvernig er hægt að finna bílaleigubíl á hagstæðu verði?
• Hvernig er hægt að finna ódýr lestarfargjöld?

Smellið hér til að skoða sýnishorn af forsíðu og efnisyfirliti (pdf)

Handbókina er hægt að kaupa fyrir aðeins $9.99 í gegnum Paypal. Hægt er að greiða með debit- eða kreditkorti með því að smella á Don‘t have a PayPal account? Sign in as a PayPal guest and pay with your debit/credit card.

Þegar greiðsla hefur farið fram, er smellt á Return to Ferðalangur og þá birtist tengill á rafbókina fyrir niðurhal.

 

Hóteltilboð: Ódýr hótel í ýmsum borgum næstu sex vikur

ATH: Tilboðin geta breyst daglega eftir því hvað er í boði og uppfærast sjálfkrafa. Þau eru því ávallt ný.

Alicante, Álaborg, Amsterdam, Barcelona, Basel, Berlín, Bologna, Boston, Brussel, Búdapest, Chicago, Edinborg,  Frankfurt am Main, Friedrichshafen, Gautaborg, Glasgow, Hamborg, Helsinki, Kaupmannahöfn, Kraká, Las Vegas, London, Los Angeles, Madrid, Manchester, Mílanó,  München, New York, Orlando, Ósló, París, Prag, Róm, Salzburg, San Diego, San Francisco, Seattle, Stavanger, Stokkhólmur, Tallinn, Toronto, Vancouver, Varsjá, Washington, Vínarborg,  Zürich, Þrándheimur.

Ferðahandbækur á pdf formati (einstaka kaflar) og ferðaforrit fyrir Iphone

Senda á Facebook

Gleðilegt ár! Handbók - rafbók á leiðinni

Kæri ferðalangar!

Mínar bestu óskir um gleðilegt nýtt ár með þakklæti fyrir samfylgdina á síðastliðnu ári.

Ferðalangur hefur verið hljóður um nokkurt skeið, enda mestöll einbeitingin farið í að semja rafræna handbók sem væntanlega verður boðin áhugasömum ferðalöngum skömmu eftir áramótin. Handbókin tekur á sem flestum atriðum sem skipta máli þegar ferðalagið er skipulagt á netinu með það að markmiði að LÆKKA FERÐAKOSTNAÐ eins og hægt er. Fylgist með :)...

 

Af hverju týnist farangurinn?

Hverjar eru algengustu ástæður þess að farangur týnist? Skv. grein af mnsbc.com - Travel tips, eru aðallega fjórar ástæður fyrir því týndum farangri:

1. Miðinn með nafni ákvörðunarstaðar (sem settur er á af flugvallarstarfsmanni þegar töskur eru tékkaðar inn) hefur prentast illa út - er ólæsilegur eða rifnar af einhvers staðar á leið í gegnum "kerfið".  Ef til vill er taskan ný í þokkabót og eigandinn hefur gleymt að merkja hana...

Með stórfjölskylduna til Króatíu

Ferðalangur fékk sérlega skemmtilegan pistli frá íslenskri konu um ferð stórrar fjölskyldu til Króatíu nú í sumar og var góðfúslega veitt leyfi til að birta ferðasöguna ef vera kynni að hún gæti gagnast fleirum sem e.t.v. hyggja á ferð til Króatíu í framtíðinni.

Við vorum 7 fullorðin og 6 börn ( við hjónin, börnin okkar, tengdabörn og barnabörn). Við höfum farið nokkrar ferðir til útlanda öll saman og alltaf tekið hús á leigu, m.a. við Gardavatn, í Toscana og á Cape Cod, allt hafa þetta verið frábærar ferðir en við vorum sammála um að Króatíuferðin væri sennilega sú albesta.

Áfangastaðurinn í Króatíu var stórt hús með fínum garði og sundlaug í pínulitlu miðaldaþorpi, Tinjan,  á miðjum Istriaskaganum.

Hluti fjölskyldunnar flaug út 2. júní, til München, þar sem teknir voru tveir stórir bílaleigubílar og ekið suður Austurríki með einni gistinótt í ágætri bændagistingu og síðan suður Slóveníu. Þar var að sjálfsögðu stoppað í Bled.  Hinn hluti fjölskyldunnar flaug til Pula í Króatíu 3. júní, með millilendingu í Osló. Það er nefnilega regla í fjölskyldunni að við fljúgum aldrei öll saman í sömu vél (gamla konan ég fæ að ráða því!).

Hjólað í París - ókeypis bæklingur á ensku

Velib stöð í París (hjól til útláns/leigu)

Í París er að finna um 400 km af hjólastígum - gerist það betra? Búið er að skipuleggja um 200 km til viðbótar sem eiga að vera komnir í gagnið árið 2013.

En þó hjólastígarnir séu fyrir hendi, þá þarf að fara að öllu með gát, því stundum hafa stærri bílar s.s. strætisvagnar aðgang að sömu akrein og hjólreiðamenn.

Það eru mörg hjólastæði víða um borgina (sameiginleg fyrir hjól og mótorhjól) og um að gera að taka sér Parísarbúa til fyrirmyndar varðandi læsingu á hjólinu: Nota tvo lása og festa þá við eitthvað óhreyfanlegt, s.s. ljósastaura o.s.frv.

Sumar götur eru lokaðar fyrir bílaumferð á sunnudögum og almennum hátíðisdögum og þá geta hjólreiðamenn notið sín til fulls. Sem dæmi um það má nefna hægri bakka Signu frá quai des Tuileries (í 1. hverfi) til Pont Charles de Gaulle (í 12. hverfi).

Allt um hjólreiðar í París í ókeypis bæklingi frá Lonely Planet/Book Depository.

Mynd af Wikimedia commons