London

Gönguferðir í London á eigin vegum

Það er auðvelt að finna sér skemmtilegar gönguleiðir í London með því að skoða Netið. Ef fólk kýs að ganga á eigin vegum má benda á afar góðar upplýsingar um gönguferðir í London á vef TimesOnline.

Hér er um að ræða leiðarlýsingar í tugatali, oft með nákvæmum upplýsingum s.s. kortum, erfiðleikastigi ("blöðrustigi") o.fl. Í mörgum tilvikum er hægt að prenta út lýsingu í pdf skjali.

Hér verða aðeins nefndar nokkrar gönguleiðir sem dæmi en þær eru mun fleiri.

• Westminster and St James’s Park, London
• The revival of St Pancras
• Blake's London
• London's modern art
• Parliament to the Thames Barrier, London
• Kick up your heels in Kensington
• Not just cricket in St John's Wood
• The Kinks to Coldplay: Soho music tour on foot
• Stalled, in Borough Market
• Festival time in Spitalfields and Stoke Newington
• Stroll in London's university quarter
• A novel walk in a north London cemetery
• Your guide to Jewish London
• Notting Hill on foot
• Find your way to Chinatown
• Get festive with a Greenwich Christmas walk

Yfirlit yfir gönguferðir í London sem TimesOnline hefur skrifað um.

Að lokum ein ábending um vefsíðu Walks of London þar sem hægt er að fá ítarlegar leiðarlýsingar á mörgum gönguleiðum í London fyrir göngugarpa á eigin vegum en einnig að panta sér leiðsögn.

(Mynd af Old Windsor Lock við ána Thames eftir Motmit)

Gönguferðir í London með leiðsögn

Ef fara á í gönguferð um London með leiðsögn, er nauðsynlegt að vanda valið. Það er greinilega samdóma álit margra að gönguferðirnar með London Walks  séu afar vandaðar enda hafa þær bæði unnið til verðlauna og fengið meðmæli ferðahandbókaútgefenda eins og Frommer's og Fodor's.

Þarna geta allir fundið eitthvað við sitt hæfi, bæði börn og fullorðnir á hvaða árstíma sem er.

Það verður að teljast kostur að ekki þarf að bóka sig né borga fyrirfram heldur er nóg að mæta á upphafsstað gönguferðarinnar sem er alltaf tiltekin neðanjarðarlestarstöð í því hverfi sem á að ganga um.
Skoða verð á gönguferðum London Walks.

Það eru miklar og góðar upplýsingar á síðunni, myndbandsbútar og pdf skjöl sem ættu að koma sér vel fyrir forvitna ferðalanga.

(Mynd eftir Fin Fahay: Hoxton, Shepherdess Walk)

>London Walks - Gönguferðir um London með leiðsögn

Gönguferðir í London með "podcast" í eyrunum

Af mörgu er að taka þegar um er að ræða gönguferðir um London.

Ein tillaga í viðbót er að heimsækja  Free Walks in London á síðunni www.londonwalks.org (EKKI .com) en þar eru í raun frábærar gönguferðir í boði sem hlaðvörp eða podcasts sem setja má á Ipod eða annan mp3 spilara. Það er Lundúnapresturinn Robert Wright sem hefur arkað um London í nokkur ár og útbúið hlaðvörp sem hægt er að hlaða niður ókeypis, þó sjálfsagt sé að láta eitthvað af hendi rakna ef þetta er notað að ráði og fólki líst vel á.

Á síðunni eru einnig leiðarlýsingar í grófum dráttum til að styðjast við.

Gönguferð um Regents Park o.fl.

Ég ákvað að prófa vefsíðuna Free Walks in London sem fjallað er um hér og hlóð niður podcast/hlaðvarpi um gönguferð í Regents Park og setti á Ipod. Arkaði síðan af stað og fór að öllu leyti eftir fyrirmælum.

Það er skemmst frá því að segja að þetta var sérlega skemmtileg gönguferð og mikill kostur að ráða ferðahraðanum sjálf. Leiðsögumaðurinn, Robert Wright, er einstaklega skýrmæltur, hefur greinilega skipulagt þetta vel og gert sérlega aðgengilegt.

Skoða göngusvæðið í Google Maps

Nokkrar upplýsingar um gönguferðina í Regents Park:

Brottför:
Farið frá Chalk Farm Underground (zone 2) en á hana má komast með því að taka Northern Line.
Endir:
Endað við Regents Park Underground.

Stutt leiðarlýsing: Fyrst var farið upp á Primrose Hill sem er einn af bestu útsýnisstöðunum í London og síðan gengið niður að Regents Park og rölt þar um. Loks farið út úr garðinum rétt hjá Regents Park Underground. ATH: Ekki var farið í London Zoo en hann er staðsettur í garðinum - upplagt fyrir börnin ásamt bátaleigu annars staðar í garðinum.

 

Gönguferð um Soho, Chinatown og Theatreland

 Ég notaði enn og aftur  www.londonwalks.org sem fjallað er um hér á vefnum og hlóð niður podcast/hlaðvarpi eftir Robert Wright um gönguferð í Soho - Sex, Chinatown, Theatreland og setti á Ipod. Þræddi svo strætin fram og aftur eftir fyrirmælum með Ipoddinn í eyrunum... Gönguferðin var einkar fjölbreytt, enda yfir stórt og þekkt svæði að fara.

Skoða göngusvæðið í Google Maps

 

Greenwich – Docklands

Það er upplagt að blanda saman heimsókn til Greenwich og gönguferð um Isle of Dogs - Docklands. Myndir hér.

Hægt er að komast til Greenwich á nokkra vegu; líklega er einfaldast að taka lest (tilheyrir Underground) sem heitir DLR (Dockland Light Railway) til Island Gardens (á Isle of Dogs) og ganga svo undir ána Thames í sérstökum neðanjarðargöngum sem liggja frá Docklands yfir í Greenwich hinum megin árinnar. Það er líka hægt að sigla þangað með "River Boats" svo eitthvað sé nefnt.

Hamstead – Hamstead Heath - Highgate

Það er sannarlega þess virði að skreppa upp í hverfin Hampstead og Highgate og heimsækja útivistarsvæðið Hamstead Heath í leiðinni sem liggur á milli þessara tveggja hverfa. Þarna er allt önnur London en sést  í „West End“. 

Bæði Hampstead og Highgate eru greinilega hverfi vel megandi fólks, húsin mörg hver stór og falleg og verslanir bera þess merki líka. Myndir hér.

Hampstead Heath, oftast kallað bara „the Heath“ er geysimikið svæði sem nær yfir 320 hektara. Þarna má finna ótal göngustíga, lítil vötn, leiksvæði, sundlaugar, skóglendi bæði nýtt og gamalt og margt fleira. Síðast en ekki síst er þetta einn af hæstu punktum í London og því mikið útsýni þaðan yfir borgina í góðu veðri.

Athugið að stígarnir eru ekki vel merktir og nokkuð auðvelt að villast þarna sem á þó ekki að koma að sök í góðu veðri að degi til.

 

Skemmtilegt efni frá The Guardian - gönguferðir

Gönguferðir í London eru meðal efnis hjá breska dagblaðinu The Guardian. Á
síðu þeirra City Guides er að finna hlaðvörp / podcast (hljóðskrár) um spennandi gönguleiðir eða skemmtilegar skoðunarferðir í London sem hægt er að hlaða niður í Itunes, setja á Ipod o.fl.  Einnig fylgja í mörgum tilvikum gagnvirk kort sem hægt er að prenta út og nota með hlaðvörpunum.

Um er að ræða hlaðvörp sem bera t.d. nöfnin Ghostly Bermondsey, Look up, Coffee tour, Along the Thames with Iain Sinclair, Sound map: the Caledonian road.

Alveg til fyrirmyndar hjá dagblaðinu.
http://www.guardian.co.uk/travel/series/cityguides